【希拉莉多得佢唔少！揀老公記得唔好揀克林頓呢種】
今次美國大選特朗普贏左、入主白宮，令到好多支持希拉莉既人不滿，甚至連著名歌手Lady Gaga都上街示威。特朗普既言論作風一向偏激大膽，加上錄音侮辱女性已經非常大罪，一直成為眾矢之的，照道理應該唔會翻到身。可惜雖然佢份人係癲，但係希拉莉又真係有野比人check到，所以特朗普喺最後一日食住上用賓州硬撼希拉莉，順利做埋美國最後一位總統....呀唔係講笑姐，係美國總統。
當然希拉莉今次輸左係因為機密電郵既事，但有小部分原因都要歸究返佢個老公。係，雖然之前因為佢老公先可以做到史上最有實權既第一夫人，亦因為咁而先可以插手教育同醫療政策，不過女人想有事業之餘，其實都唔想因為自己太強而令頭家散，所以要兼顧工作同家庭已經好大壓力。偏偏喺希拉莉努力為人民服務、追逐夢想既時候，老公冇喺旁邊支持佢，反而喺出面搞大波妹。
女人真係老得好快，一過左30歲就會開始有衰老既徵狀，所以明星先要搽咁冠護膚品去keep住個靚樣。佢老公就患左最嚴重既痴呆症，選擇性忘記希拉莉扶助佢既事，呢次偷食搞到全世界都知，就好似大大聲咁宣佈：「希拉莉你已經老喇！我唔想再搞你！」咁樣。
一個女人喺工作上已經好大壓力，返到屋企諗住親熱下啫，點知原來佢前一秒先探索完第二個女人既身體，相信好多老婆呢個時候已經崩潰......但希拉莉佢撐落去，佢知道愛既人已經冇左，一旦離婚就會影響埋自己日後既政治生涯；而唔離婚，仍然可以利用克林頓，所以佢選擇繼續做show比人睇。
話就話原諒，你估真係咁易放低？你想像下你錫緊既咀係幫人「服務」完，你估下自己可唔可以做到咁大愛？唔好唔記得嗰陣克林頓話：「自己只係接受服務既一方，係被動，因此唔算有性關係。」嘩～龍門任你擺啦呢鋪，男人賤格、咸濕先得多，咁無賴真係第一次見。好彩當時全世界都彈劾佢，頂唔順佢條粉皮。
好喇，希拉莉終於忍到今年諗住可以選總統，咁多年黎唔離婚，戴住克林頓既光環應該入硬。不過唔係咁易架葉師傅，呢個前老公背叛希拉莉都算，親手毀佢前途，打電話叫特朗普參選......
我好想問一句，究竟係呢個男人唔配做人老公，定係佢前世比希拉莉虐待過。
Search